Referencia: |
02011201 |
Nomenclator: |
3201202 |
Coord. UTM: |
x: 603339 y: 4651163 |
Localización: |
Xacemento Capela de San Verísimo |
Concello: |
Os Blancos |
Parroquia: |
BLANCOS, Os |
Lugar: |
Ouvigo |
Tipoloxía: |
Xacementos Arqueolóxicos |
Tipo: |
Necrópoles |
Subtipo: |
Necrópole |
Etapa Histórica: |
Época Romana |
Estilo Relevante: |
Romano |
Descrición:
Trátase dun coponciño ou píxide realizada en cobre dourado e decorada con esmalte escavado ou champlevé en pasta opaca de cor azul e branca. A caixiña ten forma cilíndrica na súa parte inferior e unha tapadeira cónica que se supón noutrora rematada por unha cruz, que hoxe lle falta. A tapadeira xúnguese ao corpo por un gonzo e o peche realízase por medio dun pasador que encaixa en dous tocóns furados. O seu esquema decorativo estrutúrase en catro medallóns, dispostos dous a dous no corpo inferior e outros dous na tapadeira. Cada un deles presenta no seu interior o anagrama IHS, cunha pequena cruz de brazos iguais e un signo parecido a un omega.
A súa tipoloxía é moi común, como o demostran a gran cantidade de pezas que se conservan en distintos museos, ata no Concilio Vaticano II, e en non poucas igrexias rurais. As súas características formais e iconográficas coinciden cos programas e repertorios utilizados polos talleres de Limoges nun momento avanzado do seu período industrial. Os múltiples obxetos, de calidade desigual, realizados por estos talleres comercialízanse por todo o occidente europeo, principalmente polo transitado Camiño de Santiago.
As píxides son pequenas caixas destinadas a reservar e guardar a Eucaristía ou para levar a comunión aos enfermos ou moribundos. O seu interior solía estar revestido dun pequeno corporal de liño que separaba as hostias, ao mesmo tempo cas protexía do contacto co metal.
