Referencia: |
050068 |
Nomenclator: |
3207702 |
Coord. UTM: |
x: 60294071 y: 466616299 |
Concello: |
Sandiás |
Parroquia: |
PIÑEIRA DE ARCOS |
Lugar: |
Piñeira de Arcos |
Tipoloxía: |
Xacementos Arqueolóxicos |
Tipo: |
Xacementos Romanos |
Subtipo: |
Xacemento Romano |
Etapa Histórica: |
Época Romana |
Estilo Relevante: |
Indeterminado |
Descrición:
O xacemento atópase no núcleo de Piñeira de Arcos en torno á igrexa parroquial e á casa reitoral e os seus diestros.
Segundo a ficha do inventario de xacementos arqueolóxicos da Xunta de Galicia, no contorno da Igrexa de Piñeira e no sector sueste do núcleo hai claras evidencias da existencia dun grande xacemento romano tipo vila ou "vicus" con necrópole adxacente. Debido a que o xacemento non conserva estruturas visibles e a que o material que se atopou depende do estado de remoción das terras nas fincas cultivadas, a delimitación do mesmo non queda moi clara. A maior concentración de material apareceu nas fincas situadas á beira da pista próxima á ábsida da igrexa, pero tamén leva aparecido material nos diestros da igrexa que marxean coa reitoral.
Veciños do pobo afirmaron que cando se ampliou o recinto pechado do cemiterio que apareceron tumbas antigas "varias caixas feitas de tégula" en dirección E-W. Estas tumbas foron arrasadas pero tiñan continuidade cara os diestros da igrexa.
Apareceu material de abondo, sendo éste cerámica común romana, tégulas e ladrillos -incluso algún enteiro-. Tamén hai tres muíños de man circulares na casa dun veciño que se atoparon no mesmo emprazamento.
Segundo os veciños do núcleo o río Piñeira ó seu paso polo pobo tiña canalización romana.
Pouco desto que se acaba de describir se pode apreciar na actualidade, apenas algúns anacos de tégula e ladrillo nas fincas que están traballadas. Nos diestros da igrexa nada se aprecia por estaren as terras ermas.
DOCUMENTACIÓN:
-Ficha do inventario de xacementos arqueolóxicos da Xunta de Galicia. Clave de identificación: GA32077020
-Ficha do catálogo do planeamento urbanístico do concello de Sandiás. Clave de identificación: GA32077020/20