Referencia: |
050037 |
Nomenclator: |
3207702 |
Coord. UTM: |
x: 60382472 y: 466604781 |
Concello: |
Sandiás |
Parroquia: |
PIÑEIRA DE ARCOS |
Lugar: |
Chousela, A |
Tipoloxía: |
Xacementos Arqueolóxicos |
Tipo: |
Xacementos Romanos |
Subtipo: |
Xacemento Romano |
Etapa Histórica: |
Época Romana |
Estilo Relevante: |
Indeterminado |
Descrición:
Para acceder ata o xacemento, dende a estrada N-525 en dirección Madrid hai que desviarse polo pobo de Piñeira de Arcos e coller cara A Chousela. Os restos atópanse ó norte da pista que conduce ó último núcleo citado, xusto antes de cruzar a autovía. Ocupan unha amplia extensión de terreno.
Tivéronse novas deste xacemento debido ó seguimento arqueolóxico levado a cabo con motivo das obras da autovía das "Rías Baixas" no ano 1993. No informe recollido nesa data exponse que aparecen numerosos fragmentos de cerámica común romana, tégula e ladrillo. Na actualidade a maior parte da extensión que ocupa o xacemento está cuberta de maleza e arboreda -unha parte incendiada hai pouco tempo-, o resto do terreno está adicado ó cultivo. É aquí onde inda se pode apreciar algún resto de cerámica común romana e tégula.
Para delimitar o xacemento, a única opción é pola dispersión dos materias que aparecen en superficie, xa que non hai estructuras visibles. Non cabe dúbida que os materiais son de época romana, o que non se pode determinar é o tipo de xacemento, aínda que probablemente se trate dunha vila rural romana. O xacemento atópase preto do trazado da Vía Nova ou Vía XVIII do Itinerario de Antonino, así como dunha vía secundaria que partía da XVIII cara Lugo.
DOCUMENTACIÓN:
-Ficha do catálogo do planeamento urbanístico do Concello de Sandiás. Clave de identificación: GA32077009/009.
-Ficha do inventario de xacementos arqueolóxicos da Xunta de Galicia. Clave de identificación: GA32077009.