Referencia: |
050033 |
Nomenclator: |
3207702 |
Coord. UTM: |
x: 60483800 y: 466553900 |
Concello: |
Sandiás |
Parroquia: |
PIÑEIRA DE ARCOS |
Lugar: |
Corga, A |
Tipoloxía: |
Arquitectura Civil |
Tipo: |
Construcións de Transformación |
Subtipo: |
Forno |
Etapa Histórica: |
Indeterminada |
Estilo Relevante: |
Popular |
Descrición:
Forno comunal en bo estado de conservación. Presenta unha pranta que tende cara unha forma rectangular, aínda que nun dos lados menores debuxa unha curva, é este o emprazamento do forno propiamente dito. As paredes están realizadas en cachotería mixturada con perpiaños irregulares con ancho encintado de cemento gris. Presenta un único vano correspondente coa porta de acceso, dita porta é alintelada e está delimitada nos lados polas agullas e os tranqueiros. Cuberta a dúas augas con tella curva na maior parte do edificio, tornándose en tres no lado que debuxa a liña curva. Segundo información dos veciños o forno aínda non hai moitos anos que estaba cuberto con colmo. Destaca na cuberta unha cheminea cun corpo pouco desenrolado en altura, está cuberta por unha laxe e coroada por un pináculo.
DOCUMENTACIÓN:
-Ficha do catálogo do planeamento urbanístico do concello de Sandiás. Clave de identificación: CP-14.