Referencia: |
050007 |
Nomenclator: |
3207701 |
Coord. UTM: |
x: 60136955 y: 466392318 |
Concello: |
Sandiás |
Parroquia: |
COUSO DE LIMIA |
Lugar: |
Cerredelo |
Tipoloxía: |
Arquitectura Relixiosa |
Tipo: |
Cruceiros |
Subtipo: |
Cruceiro |
Etapa Histórica: |
Indeterminada |
Estilo Relevante: |
Popular |
Descrición:
O cruceiro presenta unha plataforma de tres gradas de sección cadrada, a inferior practicamente soterrada. Sobre un pedestal de base cuadrangular coas aristas superiores rebaixadas descansa outro pedestal cúbico, este último de base máis reducida pero de maior altura. O varal comeza sendo na súa base cadrado logo pasa a ser poligonal e nun pequeno tramo xa ó pé do capitel torna de novo á forma cadrada. Un complexo capitel de volutas e outros elementos decorativos varios deixa paso á cruz. A cruz é latina con paus lisos de sección rectangular, no anverso presenta un crucificado de tres cravos de boa labra. A cabeza ladea moi lixeiramente cara o seu lado dereito e represéntase con longa cabeleira, barbado e con coroa de espiñas. O santeiro dispuxo as mans de Cristo pechadas e tallou o pano de pureza deixando o nó na parte dereita da figura. Enriba da cabeza do crucificado a cartela do INRI. No reverso, sobre peaña, a imaxe da virxe da Soidade cos dedos entrecollidos sobre o peito, vai vestida cunhas roupas longas ata os pés.
DOCUMENTACIÓN:
-Ficha do catálogo do planeamento urbanístico do Concello de Sandiás. Clave de Identificación: ER-2.
