Referencia: |
040297 |
Nomenclator: |
3206704 |
Coord. UTM: |
x: 594162 y: 4662186 |
Concello: |
Rairiz de Veiga |
Parroquia: |
LAMPAZA |
Lugar: |
Lampaza |
Tipoloxía: |
Arquitectura Relixiosa |
Tipo: |
Igrexas |
Subtipo: |
Igrexa |
Etapa Histórica: |
Idade Moderna |
Estilo Relevante: |
Barroco |
Descrición:
Igrexa de planta rectangular, dunha soa nave e cabeceira destacada en alzado. Muros de perpiaño regular articulados por pilastras. No acornisamento, dobles remates de semiesferas, conos e bolas. Na fachada, porta alintelada e enmarcada con moldura acovadada nos ángulos; sobre ela, fornela avenerada coa imaxe da Virxe da Asunción e un van de arco de medio punto, na cornisa reloxo de sol circular. Rematando a fachada, espadana de dous corpos, separados por un acornisamento con pináculos nos extremos. O corpo inferior, de vans xemelgos e con pilastras adosadas, prolóngase en soportal hacia a nave. O superior é dun só arco e remata nunha cruz de ferro flanqueada por pináculos.
Foi concluída a fábrica do edificio en 1655-1656. O retablo maior é de 1761, dos escultores Xacinto Martínez e Bieito Fernández con imaxes da Asunción, , San Rosendo, San Xosé, San Francisco e relevos coas imaxes de San Pedro e San Pablo. Ten cruz procesional do século XVIII e un conxunto de pezas punzonadas polo plateiro do século XVIII, Carlos Feijoo y Lizana. Ten cruz parroquial coa inscrición: "ME FECIT MANSILLA EN Vª Nª SANTA MARÍA DE LAMPAZA" no ano 1697.
BIBLIOGRAFÍA:
-FERNÁNDEZ OTERO, José carlos, Apuntes para el Inventario del Mobiliario Litúrgico de la Diócesis de Orense.. Fundación Barrié de la Maza, Pontevedra, 1983, p. 221.
-JUANA, Jesús de (Dir. ), A Alta Limia (A Terra que medrou vencellada a unha Lagoa) . Editorial Ir Indo. Vigo, 1993, p. 98.
DOCUMENTACIÓN:
-Fichas del Inventario del Patrimonio Arquitectónico de Interés Histórico Artístico. Ministerio de Cultura, 1979.