Referencia: |
040234 |
Nomenclator: |
3206703 |
Coord. UTM: |
x: 596629 y: 4665801 |
Concello: |
Rairiz de Veiga |
Parroquia: |
GUILLAMIL |
Lugar: |
Rosén |
Tipoloxía: |
Xacementos Arqueolóxicos |
Tipo: |
Castros |
Subtipo: |
Castro |
Etapa Histórica: |
Idade Contemporánea |
Estilo Relevante: |
Indeterminado |
Descrición:
Para localizalo hai que seguir a pista que leva a Barracel, pasando o desvio a Quilmelas e nunha curva pechada á dereita, cóllese un camiño ancho nesa mesma man.
É un castro ovalado coa cima plana. Segundo os datos do "Inventario de Xacementos Arqueolóxicos da Xunta de Galicia" do 2007, tería 300 m no eixo N-S por uns 230 m no eixo E-O, cunha superficie total de 7,5 ha; sendo a pendente sur a mais acta para acoller as plataformas habitacionais. Non se observan, nin a documentación recolle datos neste sentido, construcións defensivas. O que si se recolle nas fichas de inventario e o uso do topónimo "Foxo" para referirse ao eixo N-NE.
O castro está situado a unha cota de 770 m , podendo verse, ao S, o Castro de Guillamil. Como pode observarse nunha das fotos, na base da parede N, produciuse un desterro, o cal ocasionou importantes danos ao xacemento, e que segundo o "Catálogo de Bens Cultrais do PXOM de Rairiz de Veiga", foi para apelmazar o solo dun predio próximo onde se construíu unha granxa. Séguense conservando a crenza popular de que no Castro de Rosén estaba a "Casa da Moura" (María a Moura), que identificaban cun burato nuns grandes penedos, hoxe desaparecidos.
DOCUMENTACIÓN:
-Ficha do Inventario de Xacementos Arqueolóxicos da Xunta de Galicia (2007). Clave de identificación: GA 32067003.
-Catálogo de Bens Culturais do PXOM de Rairiz de Veiga. Nº de Ficha: X_003.
