Referencia: |
040162 |
Nomenclator: |
3206703 |
Coord. UTM: |
x: 596544 y: 4664258 |
Concello: |
Rairiz de Veiga |
Parroquia: |
GUILLAMIL |
Lugar: |
Guillamil |
Tipoloxía: |
Arquitectura Relixiosa |
Tipo: |
Viacrucis |
Subtipo: |
Viacrucis |
Etapa Histórica: |
Idade Moderna |
Estilo Relevante: |
Popular |
Descrición:
Viacrucis do que só se conservan seis cruceiros correspondentes ás respectivas estacións e ao Calvario. Ao redor da Igrexa consérvanse tres: No lado do Evanxeo consérvase un cruceiro con pedestal, varal circular, capitel tipo xónico e cruz sinxela con círculo na interxección dos brazos. A cruz é de sección cuadrangular coas esquinas rebaixadas. No adro da igrexa existen outros dous cruceiros do mesmo estilo co descrito aos que lle falta, nun caso o brazo dereito da cruz e noutro só se conserva o brazo inferior. O Viacrucis, despois de rodear a Igrexa, segue a rúa ao suleste, onde podemos atopar dúas estacións máis, representadas por sendos cruceiros e definitivamente o calvario. A seguinte cruz que se atopa a uns 10 m. do adro da igrexa, segue a mesma tipoloxía descrita. A última cruz antes de chegar ao calvario responde a unha tipoloxía máis coincidente co grupo do Calvario, ao que ademáis lle falta a cruz correspondente ao Bo Ladrón: cruz de sección romboidal con remates florenzados.
Segundo HERVELLA VÁZQUEZ, a súa labra data do século XVIII. No (Libro de cuentas y primicias, 1709, folios 8; 30-32), dase conta do que se lle pagou ao canteiro Antono Vidal por facer os cruceiros e Calvario que percorren a igrexa.
BIBLIOGRAFÍA:
-HERVELLA VÁZQUEZ, J. "Apuntes histórico-artísticos de la Parroquia de Guillamil (Rairiz de Veiga, Ourense)", en Boletín de Estudios del Seminario "Fontán Sarmiento". Santiago de Compostela, 1993, nº 14, p. 72
DOCUMENTACIÓN:
-A.H.D.OU.
Libro de contas de fábrica e primicias, 35-4-9.