Referencia: |
030286 |
Nomenclator: |
3206202 |
Coord. UTM: |
x: 59175296 y: 465223168 |
Concello: |
Porqueira |
Parroquia: |
PARADELA DE ABELEDA |
Lugar: |
Retorta, A |
Tipoloxía: |
Arquitectura Civil |
Tipo: |
Construcións de Transformación |
Subtipo: |
Muíño |
Etapa Histórica: |
Indeterminada |
Estilo Relevante: |
Popular |
Descrición:
Este par de exemplares de arquitectura etnográfica atópanse máis arriba da mini central construída preto do pobo de Retorta. Segundo información dos veciños, había algúns exemplares a maiores que foron eliminados coa construción da presa.
Un dos muíños presenta pranta alargada, está realizado en cachotería e apenas conta cuns restos de cuberta.Consta de dous rodicios. A lovada a día de hoxe, debido á abundante vexetación, non se pode determinar de onde parte. Unha vez que chega ata a construción bifúrcase en dúas para poder encher os dous cubos que dan movemento ós correspondentes rodicios.
A lovada deste primeiro muíño ten continuidade ata o segundo exemplar. Neste caso tamén é de cubo, pero conta con tan só unha pedra de moer. Presenta pranta rectangular, as paredes están levantadas a base de cachotería e a cuberta a dúas augas mediante tella francesa. Pola parte onde se situa o cubo, o tellado queda practicamente ó ras da terra -debido ó desnivel do terreo-, de modo que a auga da choiva tamén cae no cubo e tamén se aproveita para o proceso. A porta de acceso ábrese nun dos lados menores.
