Referencia: |
030280 |
Nomenclator: |
3206204 |
Coord. UTM: |
x: 59545535 y: 465217814 |
Concello: |
Porqueira |
Parroquia: |
PORQUEIRA |
Lugar: |
Torre, A |
Tipoloxía: |
Arquitectura Civil |
Tipo: |
Casas Grandes |
Subtipo: |
Casa Grande |
Etapa Histórica: |
Idade Contemporánea |
Estilo Relevante: |
Popular |
Descrición:
En orixe esta casona presentaba unha gran extensión de terreo que comprendía toda a mazá onde está situada a edificación, na actualidade tanto a construción como o terreo foron fragmentados en varias herdades. A casona componse dun gran número de edificacións, unhas contemporáneas e outras máis antigas, algunhas adicadas a vivendas e unha serie delas que son construcións anexas -palleiros, alpendres etc.
Na finca apréciase un palomar de planta circular con cuberta de tella curva que culmina cun pináculo piramidal rematado en bola. Segundo información dos veciños o palomar é obra recente que non debe superar as dúas décadas.
A entrada ó primitivo patio é un gran portalón realizado en perpiños cunha cuberta a dúas augas de tella curva. O gran perpiaño que fai as veces de lintel presenta unha cartela coa seguinte inscripción: "D. Juan Rodz / AÑO DE 1857".
A casa está composta por varios volumes de pranta moi variada, destaca unha torre cadrada realizada en perpiaños coroados por unha moldura en caveto. Cuberta a catro augas con tella curva e en cada extremo do tellado un pináculo de pedra. As cubertas das diferentes edificación son tamén moi variadas, como materiais empregados destacan a tella curva e a tella francesa. Non conta cun gran número de vanos e os que ten son máis ben reducidos.
O conxunto aínda presenta un segundo portalón. O lintel ten man no seu punto central dun escudo e nos extremos de dous pináculos piramidais.
