Referencia: |
030187 |
Nomenclator: |
3206203 |
Coord. UTM: |
x: 59600324 y: 465134386 |
Concello: |
Porqueira |
Parroquia: |
SAN MARTIÑO DE PORQUEIRA |
Lugar: |
Xocín |
Tipoloxía: |
Xacementos Arqueolóxicos |
Tipo: |
Castros |
Subtipo: |
Castro |
Etapa Histórica: |
Idade do Ferro |
Estilo Relevante: |
Indeterminado |
Descrición:
Pola estrada provincial OR-301 unha vez que se chega ó pobo de Xocín atravesamos o mesmo para coller cara o núcleo próximo de Faramiñás, a altura das últimas casas de Xocín seguir por unha pista de terra en dirección sur. Despois de percorrer uns 3 Qms chégase ata o xacemento. Un acceso máis sinxelo é dende a parte de Calvos de Randín, non obstante dende aquí o castro é moito menos visible.
A maior parte da superficie que ocupa A Cidade pertence ó concello de Calvos de Randín, sen embargo as súas ladeiras máis septentrionais exténdense a terras de Porqueira.
Localízase nun outeiro rochoso nas últimas estribacións dunha pequena dorsal delimitada por dous cursos de auga que caen bruscamente ata a zona da chaira da Limia. É este un castro de planta oval, cunhas medidas aproximadas duns 150 x 130m. Consta de croa e catro plataformas habitacionais.
A Croa mide aproximadamente 30 x 20m. E está delimitada polo lado norte por unhas pedras graníticas.
A primeira plataforma sitúase no lado norte da croa, estando tamén delimitada por un conxunto de pedras graníticas. Ten un ancho aproximado duns 30m. A segunda plataforma tamén se extende principalmente cara o norte, aínda que tamén o fai cara o leste e o oeste. Atópase bordeada ó longo do seu perímetro por unha muralla de pedras menudas que cumpre unha dobre función: por un lado ten un carácter defensivo ó tempo que serve como muro de contención da terra. A terceira terraza tamén está delimitada por un muro de pedra menuda, corre paralela á segunda polo seu lado este. A cuarta e última plataforma distribúese ó longo de todo o perímetro do castro a excepción do lado sur, é a máis extensa.
O castro contaba con boas defensas no seu lado máis externo, contaba cunha consistente muralla de pedra que nalgúns tramos chegaba a alcanzar os 8 metros de altura (por exemplo no lado norte). A esto débese engadir que na zona meridional -a máis accesible- se reforzaba a defensa cun foso.
Segundo as fichas do inventario de xacementos arqueolóxicos da Xunta en superficie puideron apreciar fragmentos de cerámica castrexa de pastas negras e superficies de cor marrón, algún cuello facetado. A día de hoxe non se aprecia nada xa que o terreo que ocupa a superficie do castro está totalmente cuberto dunha mesta maleza, sobre todo altas xestas.
DOCUMENTACIÓN:
-Ficha do Inventario de xacementos arqueolóxicos da Xunta de Galicia. Clave de identificación: GA32016025
