Referencia: |
030180 |
Nomenclator: |
3206203 |
Coord. UTM: |
x: 59637000 y: 465229600 |
Concello: |
Porqueira |
Parroquia: |
SAN MARTIÑO DE PORQUEIRA |
Lugar: |
Xocín |
Tipoloxía: |
Arquitectura Civil |
Tipo: |
Construcións de Almacenamento |
Subtipo: |
Canastro |
Etapa Histórica: |
Idade Contemporánea |
Estilo Relevante: |
Popular |
Descrición:
Nunha especie de aira neste pobo de Xocín atópanse estes dous canastros de madeira. O da esquerda de maiores dimensións, está composto por tres parellas de esteos. Sobre unha das parellas álzase unha mesa de pedra e enriba dos outros catro pés cadanseu tornarratos en forma de roda. Neste entramado descansa a cámara de madeira, pechada nos lados costais mediante tres lenzos de doelas de disposición vertical. As doelas únense entre sí con cintas horizontais. Nun dos lados penais atópase a porta de acceso, para subir ata ela emprégase un perpiaño e enriba deste un tornarratos de forma circular doutro canastro próximo desaparecido. Cuberta a dúas augas con tella francesa. O compañeiro é un hórreo de reducidas dimensións, cunha cámara de madeira que se apioa en dúas parellas de esteos e dúas mesas de pedra. Como peche da cámara óptase por unha sucesión de doelas dispostas en sentido vertical atravesadas por faixas. A porta de entrada atópase nun dos lados penais. Cuberta a dúas augas con tella curva.