Canastros 3 - 4

mapa ficha

Descrición:

Parella de canastros de madeira, un deles en óptimo estado de conservación e o outro en estado de ruina. O mellor conservado está composto por tres parellas de pés que teñen man de tres mesas de pedra rectangulares con terminación circular nos seus lados menores. A cámara, de considerables dimensións péchase nos lados costais mediante tres paneis de doelas separadas por columnas de madeira. As doelas seguen unha disposición vertical e únense mediante cintas. Debaixo das cintas, uns balaustres cravados en diagonal serven de reforzo para a unión entre as doelas. A porta de entrada ó corpo do hórreo sitúase nun lado penal. Cuberta a dúas augas con tella curva. O segundo exemplar xa só consta de catro pés e dúas mesas. Na madeira da cámara apréciase a mella que nela fixo o paso dos anos, se ben é certo que a cámara se cerraba mediante unha sucesión de balaustres colocados en sentido vertical, tamén é verdade que estes balaustres tiveron que ser reforzados cravando sobre eles varias táboas irregulares en sentido horizontal. Cuberta a dúas augas con tella curva.

mapa ficha