Referencia: |
030049 |
Nomenclator: |
3206202 |
Coord. UTM: |
x: 58971700 y: 465154000 |
Concello: |
Porqueira |
Parroquia: |
PARADELA DE ABELEDA |
Lugar: |
Lobios |
Tipoloxía: |
Arquitectura Civil |
Tipo: |
Construcións de Almacenamento |
Subtipo: |
Canastro |
Etapa Histórica: |
Idade Contemporánea |
Estilo Relevante: |
Popular |
Descrición:
Conxunto de tres canastros, dous de madeira e un mixto. Na mesma aira hai un cuarto hórreo que consta dunha estrutura de cemento. Segundo a foto, o canastro da dereita, que é o que se atopa máis mal conservado, está formado por tres parellas de esteos, sobre as parellas dos extremos descansan cadansúa mesa rectangular e sobre os dous pés do medio uns tornarratos con forma de roda. O corpo do hórreo cérrase nos seus lados costais a través de tres panos de doelas de madeira dispostas en posición vertical. As mencionadas doelas están atravesadas por faixas, e baixo éstas uns balaustres colocados en diagonal serven de reforzo de unión. Nos lados penais emprégase o mesmo procedemento, colocando nun deles a porta de entrada. Cuberta a dúas augas con tella curva. Seguindo a fotografía, á esquerda do anterior atópase o outro canastro de madeira que está formado por tres parellas de esteos sobre os que descansan outras tantas mesas rectangulares. Este é o soporte para o corpo do hórreo, pechado nos lados costais mediante tres panos de doelas separados por columnas de madeira. Os balaustres dispóñense en posición vertical e quedan atravesados mediante cintas. Uns dos lados penais está recuberto con dúas chapas de cinc, o outro resérvase para a porta de entrada. Cuberta a dúas augas con tella mixta. O último ben do conxunto, é un canastro mixto de considerables dimensións cunha cámara apoiada en catro parellas de pés sobre os que se alzan outras tantas mesas rectangulares. O corpo cunha estructura de pedra, péchase nos lados costais mediante tres panos de doelas separados entre sí por columnas de pedra. Os balaustres, pintados de cor granate están dispostos verticalmente e atravesados por cintas. Nos lados penais óptase polo mesmo esquema, colocando nun deles a porta de entrada. Sobre a porta, no pinche, unha inscrición aclara a data de realización do ben: 1952. A cuberta voa considerablemente sobre os lados penais ca finalidade de protexer da auga da choiva, realízase a dúas augas con tella plana.