Referencia: |
020131 |
Nomenclator: |
3201202 |
Coord. UTM: |
x: 603376 y: 4649253 |
Concello: |
Os Blancos |
Parroquia: |
BLANCOS, Os |
Lugar: |
Blancos, Os |
Tipoloxía: |
Arquitectura Civil |
Tipo: |
Construcións de Transformación |
Subtipo: |
Muíño |
Etapa Histórica: |
Idade Contemporánea |
Estilo Relevante: |
Popular |
Descrición:
Este muíño xunto co 8 responde a tipoloxía coñecida como muíños irmáns. Xeralmente os muíños son construcións autónomas pero dependendo das condicións do lugar pódense producir agrupamentos. Deste xeito, a auga procedente do inferno do primeiro vai pasando para a canle do segundo e así sucesivamente. Neste caso, a auga entraría na canle do muíño 7 procedente do inferno do muíño 8 que se atopa máis elevado no terreo.
Trátase dunha construción de planta rectangular, muros de cachotería con lumieira na entrada e cuberta a dúas augas, hoxe desaparecida. Na fachada, ao lado da lumieira presenta un sillar cun orificio. A cada lado da porta de acceso, adosouse nos muros un pequeno banco de granito. Na zona do inferno contén o rodicio e a tofeira. O tremiñado atópase cuberto de maleza, sen conservar ningún elemento orixinal.
Para acceder a estes dous muíños hai que atravesar un pequeno regato, para salvalo existíu unha pontella de cachotería. Na actualidade só se conservan os seus arranques, a calzada desapareceu.
