Referencia: |
020115 |
Nomenclator: |
3201206 |
Coord. UTM: |
x: 60746406 y: 465053599 |
Concello: |
Os Blancos |
Parroquia: |
NOCEDO |
Lugar: |
Nocedo |
Tipoloxía: |
Xacementos Arqueolóxicos |
Tipo: |
Castros |
Subtipo: |
Castro |
Etapa Histórica: |
Idade do Ferro |
Estilo Relevante: |
Indeterminado |
Descrición:
Partindo de Xinzo de Limia pola estrada local que conduce a Baltar, desviarse a man dereita na aldea de Laroá á altura do P.K. 6.750, por unha pista da concentración parcelaria. Percorrendo ao redor dun kilómetro chégase á base do castro.
Este xecemento emprázase nun outeiro situado no nacemento das estribacións montañosas que rematan na aldea de Covelas. Ten óptimas condicións defensivas naturais, nos lados N, S e E. O castro de reducidas dimensións foi identificado no ano 1991 como resultado da prospección arqueolóxica levada a cabo por Nieves Amado, Isabel González e Cristina Varela. Goza dunha boa visibilidade do contorno, sobor de todo cara ó sueste. Está formado por dous recintos, o superior de forma elíptica protexido por un terraplén e foxo, máis acusado cara ó norte onde o desnivel do terreo é menor. Na parte superior deste terraplén advírtese unha liña de pedras que posiblemente formarían parte da estrutura da muralla que na metade leste arrinca engrosándose e descende englobando o recinto inferior ata conectar seguramente coa parte contraria, aínda que nesa zona pérdeselle o rastro. Boa parte da zona sur está ocupada polo rochedo aflorante. No recinto non se aprecia grande cantidade de material en superficie, quizais debido ó espeso matorral, mentres que no ano 1991 como recolle a ficha de Inventario de Xacementos Arqueolóxicos da Xunta de Galicia eran abundantes os fragmentos de cerámica común romana e restos de tégula.
Hai que destaca-la aparición nas inmediacións do castro a aparición dun fragmento de escultura de guerreiro castrexo.
DOCUMENTACIÓN:
-Ficha de inventario de xacementos arqueolóxicos da Xunta de Galicia. Clave de identificación: GA32012004.