Referencia: |
020010 |
Nomenclator: |
3201201 |
Coord. UTM: |
x: 599877 y: 4648346 |
Concello: |
Os Blancos |
Parroquia: |
AGUÍS |
Lugar: |
Fonte Arcada |
Tipoloxía: |
Arquitectura Civil |
Tipo: |
Construcións de Transformación |
Subtipo: |
Forno |
Etapa Histórica: |
Indeterminada |
Estilo Relevante: |
Popular |
Descrición:
No lugar denominado O Outeiro, atópase este forno comunal. Presenta estrutura rectangular e cuberta a catro vertentes con tella do país. Realizado en cachotería, con lumiera na porta.
O seu interior alberga un único espazo. O tendal feito en granito e cuberto de palla para estirar a masa de pan antes da súa cocción. A capela de planta rectangular, presenta ladrillo refractario no interior mentres que no exterior cachotería. Xusto debaixo, a fornalleira (denominación utilizada aquí para designar á borralleira), tamén de cachotería .
Conserva os útiles empregados para a cocción: a pá, para meter e sacar o pan; o barredoiro de xestas para limpar o forno a medida que se vai cocendo; "estropajo", pau recuberto cun trapo que se pasa xusto antes de meter o pan; o rodo utensilio metálico, como un rastrillo sen dentes, para mover o pan.
Cada quince días uns veciños utilízano para facer pan. Ao pechar o forno, cheo de masa preparada para a súa cocción, din: "Dios aumente o pan no forno e o ben no mundo enteiro", facendo unha cruz mirando para a súa porta. Elaboran unha ampla variedade de tipos de pan: a "bica rapeira" que non contén levadura, as bicas, bolas aplastadas que case todo é codia, os "pas" que son bolas e a "panocha" que é unha barra.
