Referencia: |
010229 |
Nomenclator: |
3200506 |
Coord. UTM: |
x: 597493 y: 4643070 |
Concello: |
Baltar |
Parroquia: |
TOSENDE |
Lugar: |
Maus, As |
Tipoloxía: |
Arquitectura Civil |
Tipo: |
Construcións de Transformación |
Subtipo: |
Muíño |
Etapa Histórica: |
Idade Contemporánea |
Estilo Relevante: |
Popular |
Descrición:
Ubícase no lugar coñecido como As Leiras de Pedros. Aproveitando a pendente do terreo sitúanse dous muíños de canle. O de máis abaixo é o Muíño de Carmen da Aira, o de enriba o do Lisardo.
Xeralmente, o muíño é unha construción autónoma pero dependendo das condicións do lugar, ás veces pódense producir agrupamentos. Estes muíños responden á tipoloxía coñecida como muíños irmáns. Trátanse de construcións que precisan de fortes pendentes no terreo para poder establecerse mediante o encadenamento de varios muíños. Así, van pasando a auga procedente do inferno do primeiro para a canle do segundo e así sucesivamente. Neste caso só temos dous.
Existe unha enorme canle, para a recollida da auga, ao carón deste muíño. A auga desta canle entraría a través da canle do Muíño do Lisardo, chegaría ata o inferno para pasar á canle do Muíño da Carmen da Aira.
O muíño do Lisardo trátase dun muíño de canle realizado en cachotería, con lumieira na porta e cuberta a dúas augas. Na actualidade non conserva a cuberta. Atópase abandonado, estando o interior cuberto de maleza. O brión cubre toda a construción, tamén se atopa rodeada de pequenos carballos.
