Referencia: |
010192 |
Nomenclator: |
3200507 |
Coord. UTM: |
x: 605909 y: 4642036 |
Concello: |
Baltar |
Parroquia: |
VILAMAIOR DA BOULLOSA |
Lugar: |
Montecelo |
Tipoloxía: |
Representacións Rupestres |
Tipo: |
Petroglifos |
Subtipo: |
Petroglifo |
Etapa Histórica: |
Idade Media |
Estilo Relevante: |
Indeterminado |
Descrición:
Partindo da Capela da Asunción, na saída de Baltar, coller a pista de terra que leva cara as zonas de aterraxe e despeque de parapante. O xacemento atópase indicado mediante unha serie de señalizacións en madeiras que poñen "Petroglifos". Na actualidade esta ruta de senderismo non se atopa moi limpa, xa que a maleza cubriuna.
Emprázase nun pequeno outeiro pertencente á ladeira da Serra do Larouco, caendo en dirección NW cara o val do río da Rousía e Baltar.
Na derradeira revisión de campo, na superficie delimitada atópanse unha serie de afloramentos graníticos cunha serie de gravados,probablemente pertencentes a épocas históricas diversas. Os máis representativos son coviñas, ferraduras, liñas verticais. Tamén aparecen as iniciais C e R. Tanto os seus accesos coma parte das rochas atópanse cubertas pola maleza dificultando a súa total visión.
Na ficha da Xunta recolle a existencia dun motivo moi repetitivo, unha figura formada por 6 cadrados dispostos 4 na base e 2 por riba, rematados por unha cruz (unha figura similar, formada por tres cadrados abaixo e dous arriba, sen cruz, aparece na labra heráldica dunha vivenda de Garabelos). Tamén hai unha cruz latina sobre un pedestal semicircular (esta representación repítese de forma insistente nos dinteis e xambas dos muíños desta zona:Garabelos,Niñodaguía...) acompañada da cifra 1900, asi como dúas iniciais (F P), acompañadas igualmente da data 1900.
A parte da evidencia da data de 1900, o conxunto destes gravados debe considerarse como de época plenamente histórica, podendo arrincar da Idade Media. Poderían considerarse signos de demarcación territorial, posiblemente para delimitar terreos de pastoreo.
DOCUMENTACIÓN:
-Ficha de inventario de xacementos arqueolóxicos da Xunta de Galicia. Clave de identificación: GA32005007.
BIBLIOGRAFÍA:
-RODRÍGUEZ COLMENERO, A. "Un gran conxunto de novos petroglifos no Outeiro Redondo, Baltar (Xinzo de Limia-Ourense)", en Revista Larouco , nº2, Edicións do Castro, 1996, pp. 279-281.