Referencia: |
010097 |
Nomenclator: |
3200506 |
Coord. UTM: |
x: 597753 y: 4642625 |
Concello: |
Baltar |
Parroquia: |
TOSENDE |
Lugar: |
Maus, As |
Tipoloxía: |
Arquitectura Civil |
Tipo: |
Casas Vivendas |
Subtipo: |
Casa Vivenda |
Etapa Histórica: |
Idade Contemporánea |
Estilo Relevante: |
Popular |
Descrición:
No barrio do Pereiro atópase esta singular vivenda. Presenta planta rectangular, dous andares, muros de perpiaño e cuberta de tella a catro augas. A fachada principal ten na planta baixa, dous portóns lintelados e unha pequena porta no extremo dereito, que semella non ser propia da distribución orixinal. O primeiro andar ten cinco vanos rectangulares con marco de granito, sendo o segundo pola dereita un balcón, que tampouco semella ser o orixinal. No último andar, repítense os mesmos cinco vanos, tamén con marco e decorados nos extremos inferiores, con motivos semicirculares de cor branco. Na fachada lateral dereita, o esquema é o mesmo nos dous andares, unha ventá rectangular con marco. Na esquerda, só ten vano no segundo andar. A fachada traseira ten porta con escaleira directamente ao primeiro andar e da á horta pechada con muro de cachotería, que no seu lado esquerdo ten un paso para a entrada. Na fachada prinicipal figura a data da construción, "1844" e ten un banco de granito adosado ao muro.
Este inmoble era a vivenda da boticaria que a mandou facer repitindo o modelo dunha casa de Pontevedra. Trouxo aos mesmos canteiros para que a fixeran.
Ao seu lado dereito, atópase a botica.
Neste pobo existíu unha importante actividade comercial, xa que forma parte do Couto Mixto, da que son reflexo algunhas construcións. As Maus (Baltar) xunto cos pobos de Santiago e Rubiás (Calvos de Randín) constituían o Couto Mixto. Este antigo territorio autónomo, ubicado na fronteira con Portugal, dende o século XII ata o XIX, chegou a ter as súas propias leis políticas e administrativas basadas nos dictámenes duns cantos "homes de acuerdo". Tratábase dunha pequena república que na práctica nin dependía de España nin de Portugal. Contaba cunha serie de dereitos e privilexios, como non servir no exército, a liberdade de comercio e de cultivos como o tabaco, ademais de ter exencións fiscais e a posibilidade de dar asilo aos fuxidos da xustiza española ou portuguesa. Ata o Tratado de Lisboa de 1864, cada veciño podía elixir libremente a nacionalidade que desexara.