Referencia: |
010073 |
Nomenclator: |
3200504 |
Coord. UTM: |
x: 609687 y: 4645670 |
Concello: |
Baltar |
Parroquia: |
NIÑODAGUIA |
Lugar: |
Niñodaguia |
Tipoloxía: |
Arquitectura Relixiosa |
Tipo: |
Igrexas |
Subtipo: |
Igrexa |
Etapa Histórica: |
Idade Moderna |
Estilo Relevante: |
Popular |
Descrición:
Igrexa realizada en perpiaño, ten planta de cruz latina cunha soa nave, cruceiro máis elevado e cuberta de tella do país a dúas augas. A fachada principal consta de portada de arco de medio punto con marcadas e grandes dovelas, intradós decorado con rebaixe escalonado e extradós con moldura cóncava. O arco da portada, descansa sobre pseudopilastras labradas no propio sillar con moldura superior a modo de capitel e sobre alto pedestal moldurado. Todo enmarcado por moldura rectangular a modo de cornixa. O remate superior de espadana cun primeiro corpo de dous arcos de medio punto que albergan sendas campás e un frontón triangular moi elevado con pequeno vano central e coroamento de pequena cruz pétrea. No lateral esquerdo da cuberta, hai varios chanzos de granito para acceder á espadana, que enlazan coa escaleira de ferro adosado ao muro.
No muro lateral esquerdo hai outra porta de acceso de arco de medio punto máis sinxela e onde figura unha inscrición fundacional. As cubertas da sancristía e presbiterio, decóranse con pináculos piramidais de bolas. O beiril de toda a igrexa, presenta unha cornixa moldurada.
A edifciación, adro e cemiterio están rodeados por un muro de perpiaño decorado con cruces. A porta de acceso ao recinto sagrado é de forxa e decorada con dous grandes pináculos piramidais. Algunhas das sepulturas intregánse no propio muro perimetral.
DOCUMENTACION:
-Ficha de inventario del patrimonio arquitectónico de Interés Histórico Artístico del Ministerio de Cultura.
-Ficha Inventario artístico