Referencia: |
010070 |
Nomenclator: |
3200503 |
Coord. UTM: |
x: 609276 y: 4647800 |
Concello: |
Baltar |
Parroquia: |
GARABELOS DO BOUZO |
Lugar: |
Garabelos |
Tipoloxía: |
Arquitectura Civil |
Tipo: |
Construcións de Transformación |
Subtipo: |
Forno |
Etapa Histórica: |
Idade Contemporánea |
Estilo Relevante: |
Popular |
Descrición:
Situado no barrio de Abaixo, atópase este forno comunal. Ten planta rectangular, muros de cachotería e cuberta de tella do país a duas augas cunha cheminea de granito en forma de anta. Na fachada, e cara un lado, portal con lumieira. No interior conserva en perfecto estado, a capela e lar do forno, a boca, o chapelí e a borralleira a mais do tendal pétreo, adosado no muro lateral esquerdo. É de salientar a existencia dunha repisa de granito para amasar as bicas, ao seu lado, unha fornela para depositar o fermento do pan e unha pía antropomorfa, empregada para mollar as vasoiras cando se limpaba o forno por dentro. Aínda que restaurado, mantivo a estrutura de madeira do teito.
Os muros interiores están encintados ao xeito tradicional, os exteriores, encintados con cemento. O chan orixinal de terra, agora é de baldosas de barro cocido.